CEBU, Philippines — Kapin sa 200 ka indibidwal ang wala motunga sa ilang schedule alang sa pagtusok sa ilang second dose sa Sputnik V.
Si Dr. Jeffrey Ibones, hepe sa Cebu City Health Department nagkanayon nga ilaha gihapong dawaton ang maong mga wala motungha ilabi na kong aduna kini mga balidong rason.
Nasayran nga 5,100 ang nakapabakuna og Sputnik V sa Siyudad sa Sugbo niadtong buwan sa Hulyo ug naabot ang component 2 niini niadtong Septiyembre apan ang nahisgotang 200 ka indibidwal wala motunga alang sa second dose tungod kay giingong naatol kini nga aduna sila'y gipamati ug ang uban adunay importanteng lakaw.
Ang schedule sa second dose kinalit usab kini niadtong higayona.Subay niini, gibutayg ni Ibones nga 361,999 ang nabakunahan sa first dose ug 315,705 ang fully vaccinated.
Matud ni Ibones nga niabot na sa 729,000 ang nag-register nga gustong magpabakuna.
Sa laing bahin, dul-an sa 1 milyone doses sa Pfizer vaccine ang niabot sa Sugbo kagahapon sa kadlawon. Kini ang gipahibalo ni Dr. Jaime Bernadas, Director sa Department of Health-7.
Matud ni Bernadas nga 994,500 ka dose sa bakuna ang niabot sa Sugbo, COVAX nga gipaagi sa USAID Philippines. Ang maong mga bakuna ihatag kini base sa priority nga nakabutang sa guidelines diin i-apod-apod ngadto A1, A2, A3 ug A5. —Decemay P. Padilla, Rowena D. Capistrano/BDB (BANATNEWS)