Hagit sa mga magtutudlo sa kahanginan
CEBU, Philippines — Dakong hagit gyud sa mga magtutudlo sa siyudad sa Sugbo nga karon mga Radio Based Instructions(RBI)Teachers na ang kausab sa pagtudlo sa ilang mga tinun-an taliwa niining COVID-19 pandemic.
Usa sa mga RBI Teacher mao si Rex Ebarle, 15 ka tuig na siyang nagtudlo apan ikaduhang tuig pa niya isip RBI Teacher.
Gihulagway sa magtutudlo nga dakong hagit gyud kini nila ilabi na nga bag-o kini nga pamaagi sa pagtudlo sa mga tinun-an, daghan gyud sila nga gihimong pagpangandam sama sa pagbuhat og script, training sa mga magtutudlo kay dili tanang magtutudlo nasuheto sa maong pamaagi ug uban pa. “Karon motuo ka’g sa dili ang atong mga 70 plus nga mga Radio Based Instruction Teachers sa entire Cebu City Division hanas kaayo mura og maminaw ka nila makaingon gyud ka dugay naba ni sila nag train og ingon ani, makaingon gyud kag grabe gyud ka resilient ang atong mga maestra sa Cebu City Division I’d say and the rest of the teachers as well all over the Philippines, grabe gyud kaayo kaming tanan og commitment sa among trabaho gyud,” ni Ebarle pa.
Nasayran ang Cebu City Government nakig-alayon sa Department of Education Cebu City Division alang sa ilang Education Laboratory on Radio(Ed Radio).
Kining maong programaha usa ka alternatibong pamaagi sa pagpadangat og leksiyon ngadto sa mga tinun-an sa elementarya pinaagi sa kahanginan. Si Gyle Ombajin sa Office of the Mayor miasoy ang pagplano sa Ed Radio nagsugod sa buwan sa Nobiyembre sa miaging tuig ug ang first airing niini nahitabo pag Pebrero 15 ning tuiga.
Matod pa ang Ed Radio motabang pag-address sa problema sa mga tinun-an nga maglisod og sabot sa ilahang mga modules pinaagi sa on-air o broadcasting nga style sa discussion. Gipasabot ni Ombajin nga radyo ilang gigamit kay duna say ubang mga tinun-an ang wala’y access sa internet apan giklaro niini nga human nga ma-air sa radyo ang discussion ilaha kining i-upload sa ilang YouTube channel nila aron ma review ra sab sa mga tinun-an.
Sa paghimo sa maong programa ang siyudad nakig-alayon sa DepEd Cebu City Division ug didto ilang nasuta nga ang DepEd dunay Radio Based Instructions, ang City Government na ang niabaga sa supplier ug pag-contact sa mga radio stations aron adto i-air ilang discussion.
Sa pagkakaron usa ka radio station ang gi-tap sa City Government ug kini mao ang 106.7 Home Radio. Karong September 20 mobalik sa pag-ere sa kahangingnan ang Ed Radio, gikan sa Lunes hantod sa Sabado, apan kada oras lahi-lahi nga subject ang itudlo, dunay Math, Araling Panlipunan, Filipino, Science, English, MAPEH ug uban pa.— IBM (BANATNEWS)
- Latest
