CEBU, Philippines — Nitangkod na sa 50 ka tuig ang pagserbisyo sa publiko si Kongresista Eduardo Gullas sa unang distrito sa Probinsiya sa Sugbo diin moretiro na kini sa politika.
Si Mayor Gerald Anthony “Samsam” Gullas Jr. nibutyag nga gusto sa iyang apohan nga taposon ang karera sa politika kong unsa nga posisyon ang nasugdan.
Nagsugod si Edigul isip kongresista niadtong tuig 1969 ug siya ang napili nga kongresista sa tuig 2019.
Karon si Edigul anaa na sa panuigon nga 90-anyos.
Matud ni Gullas nga siya ang mohulip sa iyang apohan sa kongreso sa sunod tuig nga piniliay.
Adunay mga hungihong nga si kanhi mayor Abe Canoy modagan usab isip kongresista.
Apan si Gullas nagkanayon nga iyang hulman ang panultihon sa iyang apohan nga ang “adlaw nisilang alang sa tanan”.
Samtang sa Dakbayan sa Talisay, ang asawa ni Gullas nga si Rhea maoy modagan isip mayor sa siyudad ubos sa Partidong Alayon. —BDB (BANATNEWS)