Pamilya ni Oaminal miluwat na og pamahayag
CEBU, Philippines — Hingpit nang nipagawas sa ilang opisyal nga pamahayag ang pamilya ni Atty. Clarence Paul Oaminal may kalabutan sa kamatayon niini niadtong adlaw nga Miyerkules.
Sa ilang official statement masulob-on nga gipahibalo sa pamilyang Oaminal ang kamatayon ni Atty Clarence, niadtong Agosto 4, 2021 gumikan sa Bronchial Asthma in Acute Exacerbation.
Ang patay nga lawas ni Oaminal, gipaubos sa cremation basi usab sa kagustohan sa pamilya niini.
Tungod usab sa kasamtangan nga public health protocols, ang pamilya ni Oaminal, walay himoon nga haya, apan mopahibalo lang unya sila sa adlaw sa paghatud sa kapahulayan nga dayon niini.
Gibiyaan ni Atty. Oaminal ang iyang asawa nga si Daisy, anak nga si Ona, inahan ug mga igsuon, bayaw ug pag-umangkon.
Si Oaminal usa ka anti-drug crusader ug kolumnista sa The Freeman ug misuwat sa ubay ubay na nga mga drug crusader books ug ang labing uwahi niyang nasuwat mao ang “Anti-Terrorism Law of 2020.
Siya usab ang kanhi undersecretary sa Dangerous Drugs Board DDB ug legal consultant sa Philippine Drug Enforcement Agency Central Visayas ingon man usa sa nangu sa Drug-Free Philippines ug Mamayan Ayaw sa Droga (MAD)
Nagbaha usab ang pahasubo sa mga nakaila ug kahigalaan niini sa iyang social media page human sa kalit nga kamatayon niini. —MEL (BANATNEWS)
- Latest
