CEBU, Philippines — Adunay 132 ka medical frontliners nga nagpuyo sa Cebu City ang nataptan sa COVID19 sumala pa sa pangulo sa Cebu City Emergency Operations Center (EOC) nga si Konsehal Joel Garganera.
Sila mga trabahante sa 31 ka mga medical clinics/ facilities, hospital, ug laboratories.
Kasagaran niini kay mga doktor , nurses, nursing assistant, med tech, lab tech, paramedics ug uban pa.
“So just imagine they’re being isolated together with their close contacts in their workplace. That’s a big dent to our medical force. I believe the transmission happens not in the course of their work but in their private moments with other people or workers, labi na sa tingkaon kay dili baya ta mag facemask, apilan pa gyud ug tabi sa kasalo og kaon. Let us be mindful especially in this very challenging times,” suma pa ni Garganera.
Mihangyo si Garganera sa katawhan nga dili gyud kalimtan ang pagsul-ob og face mask.
“Wear your facemask all the time when in the company of others, don’t talk to people not wearing mask, that’s what we call respect,” dugang pa niya.
Sa 132 ka medical frontliners nga nataptan og COVID19 , 95% niini mga asymptomatic ngadto sa mild.
Matud pa niya nga sa miaging semana dunay departamento sa usa ka tambalanan ang gi-lockdown ug gipaniguro hinuon sa tambalanan niini nga dili maapektohan ang operasyon sa pasilidad.
“Our hospitals are compartmentalizing their workforce so that it will not affect others. Our hospitals are already efficient in containing the spread if it happens to their workers. Some have their own isolation ward within the facilities, “ matud pa ni Garganera. —IBM (BANATNEWS)