P3.2 M nagasto sa Probinsya sa LSI nonot sa pandemya
CEBU, Philippines — Ang Probinsya sa Sugbo nigasto og P3.2 milyones alang sa financial assistance sa mga Locally Stranded Individuals (LSI) nonot pagtumaw sa pandemya sa COVID-9 niadtong niaging tuig.
Sa audit report sa Commission on Audit (COA) sa Probinsya sa Sugbo nga gipagawas alang sa tuig 2020, nagpakita nga ang Kapitolyo nigasto og P3,219,925 nga cash aid sa 1,010 nga residente sa Probinsya sa Sugbo nga natangong sa ubang probinsya human gipatuman ang lockdown ug travel restrictions.
Ang LSI gilangkuban sa mga working students gikan sa Probinsiya sa Sugbo apan na-stranded kini gawas sa sugbo, lakip usab ang mga tinun-an diin ang ilang mga ginikanan nawad-an og trabaho ug ingon man usab kadtong mga workers nga nawad-an og trabaho ug ang mga nag-apply og trabaho sa mga LGUs nga gawas sa Sugbo.
Ang Probinsya sa Sugbo napaubos kini sa Enhanced Community Quarantine (ECQ) gikan sa bulan sa Marso hangtod Hunyo sa tuig 2020.
Samtang ang COA nihatag og taas nga audit rating alang sa tuig 2020 .
“In our opinion, the accompanying financial statements present fairly, in all material respects, the financial position of the Province of Cebu as at December 31, 2020, and its financial performance, its cash flows, and its comparison of budget and actual amounts for the year then ended in accordance with International Public Sector Accounting Standards (IPSASs),” matud ni Maria Daisy Bercede, ang supervising auditor. MEL (BANATNEWS)
- Latest
