Babayeng natulog sa lantay gipusil patay
Cebu, Philippines — Usa ka 23 anyos nga babayeng natulog sa lantay diha sa Unit 3, Carbon Public Market sa Brgy. Ermita sa Dakbayan sa Sugbo ang gipusil patay sa wala mailhing mamumuno kagahapon sa kaadlawon.
Giila ang biktima nga mao si Gianne Abesia, residente sa Sitio Bato sa maong barangay.
Ang biktima wala nay kinabuhi sa dihang naabtan sa kapulisan. Sumala pa sa usa ka vendor kansang pwesto naa duol sa gikatulgang lantay sa biktima, nakamatikod kini nga dunay duha ka wala mailhing mga lalaki nga niduol sa biktima.
Matud pa gibitad nila ang bukton sa biktima, ang naulahi giingong mihangyo pa kanila nga dili kini pusilon apan wala siya paminawa ug diretso kining gipusil.
Padayon pa ang kapolisan sa ilang gihimong imbestigasyon bahin sa motibo sa maong pagpamusil. (BANAT NEWS)
- Latest
