CEBU, Philippines — Usa ka lalaki patay human naligsan sa National Highway sa Baranggay Panalipan, Catmon Cebu niadtong Domingo, Hunyo 27, 2021. Ang biktima nailhan nga si Anatalio Romo, 40 anyos ug molopyo sa nahisgutang dapit.
Matud pa ni Police Corporal Mendel Orevillo, desk officer nga usa ka concerned citizen ang nakakita ni Romo diha sa karsada ug nipahibawo sa kapulisan.
Daling gidala sa tambalanan ang biktima apan gideklarar kini nga dead on arrival. Dugang pa ni Orevillo, ngitngit ang maong dapit ug walay nakakita sa nakaligis sa biktima ingon man sa sakyanan nga gigamit ug padayon pa nga gisusi sa kapolisan ang maong insidente. (BANATNEWS)