CEBU, Philippines — Gipahibalo ni Konsehal James Cuenco nga gitugotan na nila ang mga tradisyonal PUJ nga makabiyahe na 24/7 aron makaabag sila sa mga nagtrabaho ilabi na sa night shifts.
Sumala pa ni Cuenco kinsa mao usab ang chairman sa committee on transportation nga sukad nga gianunsyo ang subling pagbukas sa tanang rota sa PUJ sa siyudad sa Sugbo, nakadawat sila og daghang sugyot ilabi na sa mga indibidwal nga anam-anam na nga namalik sa trabaho panahon sa kagabhion.
Duna pu'y ubang commuters nga gikan nag-overtime sa trabaho busa gikinahanglan gyud ang subling pagbiyahe 24-oras sa mga PUJ.
Tungod sa maong bag-ong kalamboan, gidasig sa konsehal ang mga PUJ drayber ug operators nga i-proseso na ang pagkuha og Balik-Pasada Permit.
Nasayran nga nagkulang na og sugod ang kasakyan sa ubang commuters human nga namalik na og biyahe sa probinsya ang mga bus nga temporaryong gipadagan dinhi sa Siyudad sa dihang niulbo ang pandemya. —IBM (BANATNEWS)