Mananagat patabangon sa kampaniya batok sa ilegal nga panagat

CEBU, Philippines — Ang Bureau of Fisheries and Aquatic Resources-7 niawhag sa mga mananagat sa Lungsod sa Oslob nga motabang sa ilang kampaniya batok sa ilegal nga panagat.

Ang direktor sa BFAR-7 Allan Poquita nipadayag sa maong awhag atol sa pagpanghatag nila og livelihood assistance ngadto sa mga mananagat.

Nasayran nga walo ka mananagat sa maong lungsod ang nakadawat og 22-footer fiberglass reinforcement plastic boat nga adunay 6.5 horse power marine engine ug kompletong accessories.

Duha ka mananagat ang ma-share sa usa ka unit sa nahisgutang plastic boat.

Ang pundo sa maong programa ubos kini sa Targeted Actions to Reduce Poverty and Generate Economic Transformation (TARGET) program. 

Tumong sa maong programa ang pag-assist sa marginalized fisher folk diin hatagan sila og livelihood intervention aron mosaka ang ilang productivity ug income.

Si Poquita nisaad usab kini sa paghatag og upat ka sets sa bottom set gill net ngadto sa mga recipient sa Oslob ug nihangyo kini nga ampingan ang proyekto nga gihataga kanila.

Ang highlight sa maong kasaulogan mao ang pagsaulog sa farmers and fisher folks’ month karong buwana diin si kanhi BFAR-7 regional director Andres Bojos nipadayag nga si Poquita usa ka maayong lider ug trusted counselor.

Si Bojos nisaad sa adbokasiya sa pagprotehir sa marine resources pinaagi sa pagtabang og sumpo sa ilegal nga panagat ug niawhat kini sa mga mananagat sa pagparehistro sa ilang kaugalingon ug sa ilang mga baroto ug gamit sa pagpanagat. The Freeman/BDB