Patrol cars sa Talisay Police gibutangan og GPS
CEBU, Philippines — Gipangbutangan og GPS ang mga sakyanan sa Talisay City Police Station niadtong miaging adlaw.
Si Police Lt. Col. Gerard Ace Pelare, pangu sa Talisay City Police Station niingon nga alang kini sa ilang strategic patrolling.
Ang GPS usa ka teknolohiya nga ibutang sa sakyanan nga mahimong mamonitor kung asa kini mipaingon o nagdagan.
Matud pa ni Pelare nga dinhi nila mahibaw-an kung kinsa sa ilang patrol car ang naa sa pinakaduol sa crime scene aron sa paspas nga pagresponde.
Ang mga sakyanan nga gipangbutangan og GPS mao ang Mobile Patrol Navarra, HiLux ug duha ka wiper motorcycle.
Ilang isiguro nga masunod ang ilang nasabutan nga patrolling scheme. Ang Talisay City Police adunay polisiya sa minuto nga pagresponde sa bisan unsa nga alarma sa Dakbayan.
Gani ilang gipang orasan ang ilang mga polis nga moresponde sa nagkalain-laing barangay. —MEL (BANATNEWS)
- Latest
