Ne unom ka polis positibo sa COVID-19
CEBU, Philippines — Unom ka mga personnel sa Police Station 5 sa Lapu-lapu City ang nagpositibo sa Covid-19 matud pa sa ilang hepe nga si Police Major Aibert Jay Samson.
Tungod niini, sirhan una nila ang police station sa publiko samtang magpahigayon sila og disinfection.
Gihimo na sab dayon ang contact tracing sa mga close contacts sa mga nagpositibo nga police samtang gipaubos kini sa isolation facility.
Sa kalambigit nga balita, ang Lapu-Lapu City duna karoy 1,113 ka active cases sa 4,944 total cases niini human napun-an og 19 ka bag-ong kaso. Dugang 17 sab ang nangaayo ug usa ang nadugang sa mga nakalas.
Samtang nakatala ang Cebu City og 63 ka bag-ong kaso sa coronavirus Disease(COVID)-2019 kini base sa datos nga gipagawas sa Department of Health Central Visayas niadtong adlaw’ng Lunes Marso 15.
Ang Cebu City dunay 19,803 total cases karon apan 2,576 lang ang active cases niini. Samtang 16,456 na ang naayo human napun-an og duha anang adlawa apan 771 na ang nakalas human dunay tulo nga napuno.
Ang Mandaue City dunay 1,175 active cases gikan sa 4,992 total cases sa siyudad tungod napun-an og 30 ka bag-ong kaso samtang napulo ang dugang nangaayo ug 190 ang nakalas. Sa datos sa DOH-7 ang Central Visayas dunay 44,615 total cases apan 6,722 lang niini ang aktibong kaso karon tungod kay 36,225 na ang nangaayo samtang 1,668 ang nakalas. – Decemay Padilla ( BANAT NEWS)
- Latest
