PRC nibukas na sa collection site sa Saliva RT PCR Test
CEBU, Philippines — Gibuksan na kagahapon sa Philippine Red Cross ang ilang collection site sa COVID-19 testing pinaagi sa laway diha sa SM City Cebu.
Ang maong pamaagi gitawag og “Saliva RT PCR Test” .
Base sa post diha sa facebook page sa PRC nga naa ra sa P2,000 ang bayad niini ug makuha dayon ang resulta sulod sa 24 oras.
Alang sa pag-book og appointment online mobisita lang sa “book.redcross1158.com” aron makapili sa adlaw sa pagpakuha og saliva test.
Ang Saliva RT PCR Test nahimutang kini diha sa PUJ Terminal sa SM City Cebu.
Base usab sa advisory nga ang Saliva RT-PCR nga gi-rolled out sa Philippine Red Cross susama kini og swab test o nasopharyngeal test ug menos ang presyo niini.
Ang sample sa laway nga gipaagi og RT-PCR gold standard wala na kini nag-require og confirmatory testing.
Sayo pa, ang chairman ug CEO sa PRC Senador Richard Gordon nagkanayon nga aprobado sa Department of Health ang Saliva RT PCR Test.
Kinahanglan nga 30 minutos sa dili pa mopaubos sa maong test dili una mokaon, moinom, manigarilyo ug manglimogmog.
Giingong ang RT-PCR Gold Standard aduna kini 98.23 porsyento nga accuracy. —BDB (BANATNEWS)
- Latest
