Cebu City nilugway sa pagdawat og bayad sa buhis nga walay penalty
CEBU, Philippines — Giawhag sa Cebu City Treasurer’s Office (CTO) ang katawhan nga mobayad na sa ilang buhis aron dili kini makabayad og penalty.
Nasayran nga gilugyawan sa kagamhanan sa Dakbayan sa Sugbo ang pagpanawat og bayad sa buhis nga walay penalty hangtud sa Pebrero 20, 2021.
Base sa report sa Cebu City Public Information giingong direktiba kini ni Mayor Edgardo Labella ubos sa pagtugot sa konseho sa siyudad tungod kay nakasabot kini nga naglisod pa karon ang katawhan gumikan sa gisagobang nga pandemiya.
Gipahibalo usab sa CTO nga ang Real Property Tax Division ug Business Tax Division modawat lang og bayad kon aduna nay online appointment.
Ang maong departamento kasamtangang nanukad diha sa SM City Cebu.
Giawhag usab ang tanan nga dili nila kalimtan ang pagtuman sa safety ug health protocols sa higayon nga duna sila’y tuyo diha sa maong buhatan.
Lakip sa mga importanteng protocol nga tumanon mao ang social distancing, pagsul-ob og face mask ug face shield. —BDB (BANATNEWS)
- Latest
