Labella: Full accounting sa budget naduso na
Cebu, Philippines — Gitataw ni Mayor Edgardo Labella nga nakaduso na og “full accounting” sa budget karong tuiga ang iyang buhatan pinaagi sa local finance committee sa konseho.
Matud ni Labella nga wala niya masabti ang pipila ka grupo sa pagsige niini og demand sa nahisgutang full accounting.
Si Labella nangangkon nga napamatud-an nga wala siya’y irregularities nga nabuhat ilabi na ang pagdumala sa mga nagasto sa siyudad.
“Sa mga post audit sa COA, wala may nakit-an nga irregularities”, matud ni Labella.
Gibutyag ni Labella nga nasusi usab sa bids and awards committee (BAC) ang mga transaksiyon.
“Kalabot sa atong mga PO (purchased orders), makita man kana sa atong website”,ni Labella pa.
Matud usab ni Labella nga accounted ang tanang gipanggasto sa nagkadaiyang departmento.
Hinuon katungod gyud ni bisan kinsa nga makisayod sa full accounting sa budget apan panghinaot niya nga dili kini mosangpot sa pagbabag sa uban niya nga programa.
Sayo pa, ang Debt Coalition Cebu nanawagan kini sa “full accounting” sa 2020 budget samtang wala pa naaprobahi ang giduso nga 2021` annual budget.
Base sa press statement sa maong grupo nga ang maong pamaagi maoy usa sa mga tamdanan alang sa maayong pang-gobiyerno diin ipatigbabaw ang transparency.
Nalakip sa maong grupo mao ang Sanlakas- Cebu, Oryang- Cebu, KPML- Cebu, ug Bukluran ng Manggagawang Pilipino. ( BANAT NEWS)
- Latest
