DSWD motapos na sa pay-out sa SAP
Cebu, Philippines — Taposon na sa Department of Social Welfare and Development DSWD ang ilang pagpanghatag sa Social Amelioration Program kun SAP.
Kini ang gipahibawo sa DSWD-7 pinaagi sa ilang facebook page.
Ang DSWD nagsugod pag post niadtong Disyembre 14, 2020 diin gipagawas ang lista sa mga benepisyaryo sa SAP 2 nga anaa sa payroll apan anaa gihapon ang wala pa nakakuha.
Ang mga anaa sa listahan gihatagan sa DSWD kutob karong adlawa Miyerkules sa pagkuha na niini ug kung dili makakuha mamahimo pa sa adlaw nga Sabado.
Ang mga dili makakuha pahibaw-on sa ilang local social welfare and development office o sa barangay sa gihatag nga lugway ug kung dili gihapon makakuha ipa certify kini sa barangay ug dili na gayud kini makakuha pa sa maong ayuda sa gobyerno.
Ang pundo alang sa SAP nga dili magamit ibalik kini sa panudlanan sa gobyerno. (BANAT NEWS)
- Latest
