8,250 ka Sugboanon ni-qualify sa Sugbo Negosyo program
CEBU, Philippines — Niabot ngadto sa 8, 250 ka Sugboanon nga micro-entrepreneurs ang ni-qualify sa Sugbo Negosyo program sa Probinsiya sa Sugbo.
Gikan kini sa 17, 881nga ni-apply sa maong programa nga ang tumong mao ang pagtabang sa mga gagmay nga negosyante nga labing naapektohan sa COVID-19 pandemic.
Ang tanang ni-apply gipaubos kini og evaluation sa provincial board, Department of Trade and Industry ug uban pang ahensiya nga gitahasan nga mo-evaluate sa application.
Ang Probinsiya sa Sugbo ug ang merchant suppliers sa mga goods ug materyales nga gamiton o ibaligya sa beneficiaries nagpirmahanay kini og Memorandum og Agreement alang sa maong katuyoan.
Gipaabot usab nga sugod karong semanaha ma-anam-anam na og apod-apaod ang coupons nga adunay QR code ngadto sa beneficiaries.
“Ang importante man gud dinha i-matching ni nato kon unsa imong negosyo. They were asked to submit a needs list para ma-identify, matagaan sab sila sa lista sa mga partner merchants nato”, matud ni Garcia.
Ang maong programa gigahinan kini og P97.9 milyones sa Kapitolyo. — BDB (BANATNEWS)
- Latest
