Gov. Garcia nalipay sa pagka dismiss sa iyang kaso
CEBU, Philippines — Gikalipay ni Cebu Governor Gwendolyn Garcia ang pagka dismiss sa graft cases nga gipasaka batok kaniya ug sa pito pa ka mga pribadong indibidwal ug public officials may labot sa kontrobersyal nga pagpalit sa Balili property didto sa Siyudad sa Naga.
Ang Sandiganbayan special division nipakanaog sa desisyon nga nigrant sa demurer to evidence nga gi-file sa mga akusado ngadto sa korte pag kwestyon sa ebidensya sa prosekusyon sa kaso.
“..it is clear that the prosecution failed to muster the required quantum of evidence. There being no sufficient basis to sustain the indictments, the Court left with no choice but to dismiss the cases” tipik sa ruling sa Sandiganbayan sa 80 ka pahina nga desisyon niini penetsahan Nobiyemre 26, 2020.
Si Garcia ug ang pito pa ka mga indibidwal naglakip nila ni Juan Bolo, Anthony Sususco, Roy Salubre, Eulogio Pelayre, Emme Gingoyon, Romeo Balili and Amparo Balili gikiha ni niadtong tuig 2012 tungod sa pasangil nga korupsyon sa pagpalit sa P98 milyones nga luna sa Balili didto sa Naga.
“I feel vindicated but as I'm just happy for my family for they, too, are vindicated. I'm also happy for the other seven (officials) which were cleared" matod ni Garcia.
"And I feel that once again it was proven that the truth will set us free” dugang sa gobernador.
Sa ruling sa Sandiganbayan, ang prosecution napakyas pagpamatood nga adunay conspiracy ug ang transaksyon sa pagpalit sa maong 11 ka parcel sa luna sa Balili, wala gi-disallow sa Commission on Audit (COA) ug bisan sa Internal Audit Service. —MEL (BANATNEWS)
- Latest
