Barangay isolation centers sirad-an na
CEBU, Philippines — Plano karon sa Emergency Operations Center (EOC)sirad-an na ang nahibiling duha ka barangay isolation centers ug gamiton natukod nga New Oasis for Adaptation and a Home(NOAH) Complex sa South Road Properties aron didto i-kwarantina ang mga bag-ong kaso sa COVID-19.
Nadesisyonan kini human nakita nga nagkagamay na ang mga bag-ong kaso sa siyudad kada adlaw. Gani duna lang karoy 13 ka pasyente sa nahibiling duha ka BICs sa south ug north districts.
Ang siyudad adunay 52 ka mga tunghaan nga gihimong BICs sa pagsugod sa pandemiya tungod kay walay kabutangan sa mga natakboyan sa COVID-19 nga mga asymptomatic ug kadtong dunay mild-symptoms.
Tungod kay peligro man nga i-admit sila sa mga tambalanan nga wala pay klaro sab nga mga pasilidad para sa COVID-19 ug mokatap unya kini sa ubang mga pasyente.
Ang nahibiling 13 ka pasyente nangaayo na ug kinahanglan nalang balidasyon aron sila papaulion. Ang siyudad nitukod sa NOAH Complex nga karon aduna nalang 54 ka pasyente, apan kini may kapasidad nga 300 ka pasyente. Silas i kanhi city councilor Jocelyn Pesquera ug Konsehal Donaldo Hontiveros kinsa maoy nagdumala karon sa NOAH uyon sa desisyon.
Samtang si Konsehal Joel Garganera ang pangulo sa EOC miingon nga gawas sa NOAH, duna pay DOH Bayanihan Field Center-IEC3 facility nga mahimong magamit kun gikinahanglan. Ang IEC3 makadawat og 130 ka pasyente apan duna lang kini karon 12 ka pasyenteng giatiman.
Bag-ohay lang sab gipahunong ang operasyon sa Bayanihan-Sacred Heart School sa General Maxilum Avenue tungod gihapon sa nagkagamay nga mga kaso sa COVID-19 sa siyudad.— The Freeman/IBM
- Latest
