Fire station planong ibutang sa barangay guba

CEBU, Philippines — Nagtagbo si Cebu City Mayor Edgardo Labella ug si Cebu City Fire Marshal Chief Inspector Josephus Alburo ug gihisgutan ang mga maayong plano alang sa siyudad.

Sama sa pagdawat nila og aerial ladder nga nagkantidad og P17 million nga dunay gitas-on nga 34 meters o 11 stories nga building.

Suma pa ni Chief Insp. Alburo nga nahisgutan usab nila ang pag-set up og Cebu City Fire Office EMS nga andam na alang sa activation.

“In the BFP we have trained paramedics, we will set up sa Cebu North ambulance service which is free, we have trained personnel nga naa diha, so 24/7. In the few months we will activate that once mahuman na namo, ma prepare na namo ang physical quartering facility sa atoang mga personnel”, sigon ni Chief Insp. Alburo

Lakip sa ilang gituki sa mayor mao ang plano pagbutang og fire station sa Barangay Guba.

“On that part of the City, we need to be there before more residential will be there, before kana ganing development will be there so we need to be first there before ang mga development mauna nato kay ang public safety services dapat mag una man ta sa panginahanglan sa tawo so dili lang ta mag reacting”, pasabot ni  Alburo. /MEL (BANATNEWS)