8 ka toneladang manok gisakmit

CEBU, Philippines — Walo ka toneladang dressed chicken nga gitumod diha sa usa ka establisamento sa Subangdaku, Dakbayan sa Mandaue gisakmit sa Mandaue City Veterinary Office (MCVO) tungod nangarantso na ug peligrong makaon sa tawo.

Nasakmit ang maong hot chicken meat sa joint operation sa MCVO ug Department of Veterinary Medicine and Fisheries sa Dakbayan  sa Sugbo kauban usab ang mga sakop sa National Meat Inspection Service (NMIS).

Ang grupo, misusi ang usa ka establisamento sa Barangay Subangdaku sa Dakbayan sa Mandaue base sa nadawat nilang mga impormasyon.

Si City Veterinarian Dr. Karen Marilles miingon nga nakadawat sila og taho labot sa maong mga karne sa manok nga gisulod sa refrigerated van sa maong dapit sa Subangdaku nga naabtan na og expiration.

Sumala pa nga ang maong mga manok para sa mga nagkalain fastfood chain sa Sugbo, apan peligro na para sa mga tawo maong gisakmit nila kini kagahapong adlawa. Giingong gikan kin  sa kaulohan.

Ang  maong karne sa manok nga gibanabanang mokabat  sa P2 milyones gi-disposed na sa CVO. (BANAT NEWS)