CEBU, Philippines — Duha ra ka mga bag-ong kaso sa novel coronavirus disease (COVID)-2019 ang natala sa Cebu City niadtong adlaw’ng Domingo kini base sa datos sa Department of Health Central Visayas.
Ang Cebu City adunay 10, 215 total cases sa COVID diin 213 niini ang active cases. Ang siyudad duna say 9,323 total recoveries ug 679 total deaths.
Ang siyudad Mandaue nakatala sab og duha ka bag-ong kaso sa COVID-19.
Niabot na sa 2,548 ang total cases sa COVID-19 sa dakbayan, 80 niini ang active cases. Nakatala sab ang Mandaue City og duha ka nangaayo ug niabot na kini karon og 2,308 sa ilang talaan samtang 160 ang nakalas gikan sa maong sakit.
Samtang usa ra sab ka bag-ong kaso sa COVID-19 ang natala sa Lapu-Lapu City. Ang siyudad dunay 2,455 total cases sa virus ug 124 ang active cases.
Tulo sab ang natala nga additional reported recoveries. Ang Lapu-Lapu City dunay 2,228 recoveries ug 103 nga nakalas.
Samtang ang Cebu Province nakatala og 14 ka bag-ong mga kaso sa COVID-19. Ang Cebu Province dunay 6,158 total cases sa virus ug 384 ang active cases.
Naa sab sa 5,396 ang recoveries sa probinsiya human nakatala ug usa ang dugang naayo gikan sa Covid-19.
Apan dunay duha sab nga nadugang nga nakalas sa maong sakit mao nga ang Probinsiya aduna na karoy 378 nga natalang nakalas.
Sa datos sa DOH-7, ang Central Visayas adunay 22,100 total cases sa COVID-19; 992 ang active cases; 19,775 ang recoveries ug 1,333 ang deaths. /IBM (BANATNEWS)