Tulo ka sakop sa CCDRRMO positibo sa drugas
CEBU, Philippines — Tulo ka sakop sa Cebu City Disaster Risk Reduction Management Office(CCDRRMO) ang napositibo sa gipahigayong surprise drug test sa Cebu City Office for Substance Abuse Prevention (COSAP) niadtong adlaw’ng Huwebes matud sa pangulo sa COSAP Jonah John Rodriguez.
Kahinumduman nga 209 ka mga personnel sa CCDRRMO ang gipaubos sa kinalit nga drug test isip pasiunang aksyon sa pagbalik sa COSAP ang pagpaubos sa drug test sa mga kawani sa gobiyerno sa siyudad human kini nahunong tungod sa pandemiya sa coronavirus disease (COVID)-2019.
Ang pangulo sa CCDRMO Ramil Ayuman mibutyag sagad sa mga nagpositibo sa drug test mga job order employees ug tungod niini dili na sila pabalikon og trabaho.
“Sagad nila mga job orders ug agi’g kamanduan ni Cebu City Mayor Edgar Colina Labella alang sa usa ka drug free workplace, ang tulo ka nag positive atong gi advise-an nga dili na pabalikon og trabaho,” sigon ni Ayuman. /IBM (BANATNEWS)
- Latest
