CEBU, Philippines — Moabot na ngadto sa 121 ka mga accommodation establishments, restaurants ug water transport services sa Probinsya sa Sugbo ang nahatagan na og Certificate of Compliance (COC) sukad niadtong buwan sa Septiyembre.
Ang maong mga establisamento maoy naka-comply sa basic health requirements nga gilatid sa Provincial Tourism Task Force (PTTF) subay sa guidelines sa Inter-Agency Task Force on the Management of Emerging Infectious Diseases (IATF-MEID) ug sa Provincial Ordinance pagpatuman sa tourism protocols sa Probinsya ubos sa Modified General Community Quarantine (MGCQ).
Ang maong mga establisamento gikan sa lungsod sa Santa Fe, Oslob, Moalboal, Boljoon, San Remegio,Carcar, Santander, Cordova, Alcoy, Daanbantayan, Dalaguete, Medellin, Danao, Compostela, Badian ug Minglanilla.
Ang hepe sa Provincial Tourism Office nga si Maria Lester “Marti” Ybanez niawhag sa mga guests pag suporta sa maong mga establisamento nga nakatuman sa rekisitos nga gikinahanglan sa task force uban sa Department of Tourism (DOT) 7 ug Department of Trade and Industry (DTI) 7.
Alang sa mga accommodation establishments nga wala pa ka comply matod ni Ybañez nga kinahanglan makakuha kini og Certificate of Authority to Operate (CAO) ug Provisional Certificate of Authority to Operate (PCAO) sa DOT.
Alang sa water tourist transports sama sa motorized ug non-motorized boats, mokuha sila og CAO sa Philippine Coast Guard ug sa Maritime Industry Authority. Kinahanglan usab makatuman sila sa requirements sa LGU sama sa Mayor's permit. MEL (BANATNEWS)