Market vendors sa Lapu-Lapu i-swab test
![Market vendors sa Lapu-Lapu i-swab test](https://media.philstar.com/photos/2020/10/21/market_2020-10-21_00-46-33.jpg)
CEBU, Philippines — Gipaubos sa swab test sa kagamhanan sa Dakbayan sa Lapu-Lapu ang 762 ka mga public market vendors ug satellite markets sa dakbayan niadtong Lunes Oktobre 19, 2020 aron pagsigurong luwas sila gikan sa coronavirus disease.
Dugang nga gipaubos sa swab test ang 200 ka mga traffic enforcer ug mga personnel sa City Traffic Management System (CTMS).
Si Grace Carungay, pangulo sa City Epidemiology and Surveillance Unit apil sa ilang gipaubos sa test ang mga ambulant vendors.
Target sa siyudad mapaubos sa swab test ang kapin sa 2,500 ka mga vendors sa dakbayan hangtod sa Miyerkules Oktobre 21,2020.
Gipahibalo sab ni Carungay nga sa 300 ka mga hotel workers nga ilang gi-swab test adunay lima nga positibo sa Covid-19 ug ilkaha na karon gibutang sa isolation facility. Unang gipaubos sa swab test sa siyudad ang mga boatmen ug mga drivers sa tricycle ug PUJs isip kabahin sa gihimo nga pagpangandam sa pagbukas na og balik sa turismo sa maong dakbayan. /IBM (BANATNEWS)
- Latest