Konseho mihatag og go signal sa road widening sa Mambaling

CEBU, Philippines — Gumikan sa nasinating grabeng pagbaha panahon nga mobunok ang kusog nga uwan, diha sa N. Bacalso Avenue ang Konseho sa Dakbayan sa Sugbo mitugot na sa  Department of Public Works and Highways (DPWH) nga ipadayon ang road widening project diha sa Mambaling underpass.

Sumala pang Konsehal Jerry Guardo, chairman on the committee on infrastructure nga giaprubahan na sa konseho ang maong proyekto.

“During the deliberation(City council with DPWH), gusto gani unta ni Vice (Vice Mayor Michael Rama) nga sugdan na lang dayon para mahuman na, masulbad na ng problema sa baha diha so gi-approve na lang dayon.Although wala to nahuman (presentation of project), na-encorporate na sa DPWH ang concern sa council,” matud ni Guardo.

Tulo ka higayon ng nagtagbo ang DPWH ug ang  konseho aron tukion ang problema sa baha diha sa Mambaling tunnel.

Imbes nga magbasulay ug magpasanginlanay kinsay sad-an o nagkulang maong gibahaan hinuon ang lugar, kun si Congressman Rodrigo “Bebot” Abellanosa ba o ang DPWH,  ang konseho nihatag og pagtugot sa maong proyekto aron masulbad na kini.

“Additional lanes (service road) will be constructed on both sides of N. Bacalso, incorporating a new drainage design to accommodate large volumes of rain water  without the need of compromising  some existing Narra and Mahogany trees,” dugang pa ni Guardo.

Matud sa konsehal ang Technical Infrastructure Committee (TIC) milihok na sab aron aprubahan ang permit sa maong proyekto human sa ilang evaluation ug review.

Ang mga pribadong nanag-iya og balay nga maigo sa proyekto gipatawag na alang sa tigom kauban sa DPWH ug Guardo karong adlaw nga Huwebes.

“We have already scheduled a conference with the affected home-owners on Thursday. Ipatawag ‘tong mga nakadawat nag-writ of possession sa DPWH ug katong na isyuhan na sa court,” dugang sa konsehal.

Sa pagkakaron ang DPWH mogamit og mobile water pump aron habwaon ang tubig kun mobunok ang uwan ug manghabwa sa mga basura ug lapok sa kasamtangang mga kanal sa lugar.

Giingon sab nga dugangan sa DPWH ang kasamtang gawasanan sa mga tubig ug palambuon ang mga kanal sa lugar. The Freeman/IBM