Baha ug landslides masinate panahon sa la niña

CEBU, Philippines — Mipahimango ang Mines and Geosciences Bureau-Central Visayas kon MGB-7 sa posibleng landslide ug flash floods panahon sa La Niña.

Ang Director sa MGB-7 Armando Malicse, miawhag sa mga opisyal sa Local Government Units pag-andam ug lakang aron malikayan ang maong kalamidad ilabi na sa mga lugar nga dunay dakung risgo sa pagbaha.

Si Malicse, miingon nga sa miaging semana nasinati sa cebu ug ubang probinsya sa rehiyon ang ulan-ulan ug makapaabot pa kita ug daghan pa niini hangtud sa pagtapos sa tuig. Kahinumduman niadtong nilabay nga buwan ang Philippine Atmospheric Geophysical and Astronomical Services Administration PAG-ASA, miisyu ug advisory nga base sa ilang monitoring ug analysis 70 porsyento sa La Niña ,masinati sa mosunod nga bulan.

Samtang gitinguha ni Mandaue City Mayor Jonas Cortes nga makigtagbo sa mga barangay kapitan sa mga lugar diin nasinate ang grabeng pagbaha human sa kusog nga uwan niadtong miaging adlaw.

Kini gumikan sa iyang plano nga paghimo og clearing operation sa mga molopyo nga nahimutang sa danger zones ug  ang hingpit nga pagpatuman  sa 3 meter easement zone sa mga daplin sa sapa.

Naglakip na kini sa Butuanon River ug Mahiga Creek sa Barangay Subangdaku diin nagtuo si Mayor Cortes nga ang paghawan sa mga nagpuyo niini maoy makasulbad sa kanunay nga pagbaha.

"We need to have an agreement with the barangays that once the areas are cleared, they have to make sure that settlers won't go back." Suma pa sa mayor.

Giklaro ni Mayor Cortes nga katungdanan sa mga barangay kapitan ang pagbantay sa gihawanan na nga mga lugar aron dili katukoran og balik sa mga informal settlers.