Mag- videoke og adlawan hingpit na nga gidili sa Mandaue

CEBU, Philippines — Hingpit na nga gidili sa kagamhanan  sa Dakbayan sa Mandaue ang pagpasiugda og videoke sa alas 7 ang takna sa buntag hangtud sa alas 5  sa hapon gikan  sa Lunes hangtud sa Biyernes.

Kini base sa executive order nga giluwatan ni Mayor Jonas Cortes diin pahamtangan og silot ang makalapas niini.

Naglakip sa mga silot nga ipahamtang mao ang pagbayad og multa nga P1, 000 alang sa unang kalapasan o pagkabilanggo og napulo ka adlaw.

Samtang P1, 500 usab ang multa sa ikaduhang kalapasan o pagkabilanggo og 15 ka adlaw ug P3,000 usab ang multa  sa ikatulo nga kalapasan o pagkabilanggo og napulo ka adlaw.

Si Mayor Cortes sa iyang post sa facebook naghangyo sa mga mandauehanon sa pagsabot sa gihimo sa kagamhanan aron dili mabalda ang mga tinun-an nga nagtuon pinaagi sa distance learning ingon man ang mga nag-trabaho nga naa ra usab sa ilang mga panimay  ubos sa work from home arrangement sa ilang mga kompaniya.