CEBU, Philippines — Napili ang Cebu ug Visayas nga number 1 sa Best Islands in Asia base sa 2020 Reader’s Choice Awards 2020 sa Condè Nast Traveler magazine.
Ang Cebu ug Visayas nakakuha og 95.83 nga score. Gisundan sa Sri Lanka 95.45; Ko Pha Ngan, Thailand 95.30; Palawan 95.22 ug Siargao Island 95.19
Base sa maong travel magazine ang Cebu adunay dul-an 2 milyones ka mga travelers matag tuig nga modagsa sa mga beaches ug diving sites sa Norte.
Si Cebu Governor Gwendolyn Garcia mihangop sa maong kalamboan ilabi na nga karon gipangusgan ang pagpabangon sa ekonomiya sa Sugbo nunot sa pagkapiang tungod sa pandemiya.
“This is great news. It augurs well for our efforts at reviving the moribund tourism industry in Cebu as well as for the rest of the Visayas,” matud ni Garcia.
Si Garcia gikatakda nga moadto sa Bantayan Island ini’g Oktubre 16 ug 17 alang sa pagbukas sa turismo sa isla nga dungan sab sa pagbukas sa Bantayan airport.
Ang Condè Nast Traveler usa ka sikat nga lifestyle travel magazine nga mo-feature sa nagkadaiyang mga destination guides alang sa mga tawo nga mahilig mobiyahe.
Sama ni Garcia, gikalipay og maayo ni Cebu City Mayor Edgardo Labella ang pagkasulod sa Sugbo ug Visayas sa Top 5 sa Best Islands in the World Asia Category sa Conde Naste Traveler’s Reader’s Choice Awards.
“Of course this will give us more encouragement. I think one of the things that is considered maybe its because of the attitude and the hospitality of the people not just the geographic location,” sigon ni Labella.
Gihulagway ni Labella nga talagsaon ang isla sa Sugbo tungod kay tanang munisipalidad ug siyudad niini adunay baybayon.
“We will continue, we will be encourage to do that and we try to tell our people even ordinary folks in the provinces that they should be proud that we may not be the richest city in the entire world but atleast being adjudge as the most beautiful because a thing of beauty is a joy forever,” matud ni Labella. Decemay P. Padilla/IBM (BANATNEWS)