75 ka contact tracers kinahanglan sa Mandaue
CEBU, Philippines — Ang Department of Interior and Local Government (DILG) sa Dakbayan sa Mandaue nagkinahanglan og dugang 75 ka aplikante isip contact tracers. Si Jing Rodriguez, program manager nagkanayon nga nakadawat na sila og 330 ka applications apan padayon pa nga giproseso sa ilang mga personnel.
Matud ni Rodriguez nga ang 225 ka aplikante ang gikonsiderar nilang nadawat apan wala pa mapirmahe ang mga kontrata niini.
Sa nasayran nga ang DILG nihatag og quota sa dakbayan diin 300 ka contact tracers ang ilang patrabahoon.
Naglakip sa mga aplikante nga ilang gikinahanglan mao kadtong bachelor’s degree nga naglambigit sa medical nga kurso o criminology ilabi na kadtong adunay kasinatian sa pagpanukiduki.
Nagpanuigon sa 21 ngadto sa 45 -anyos, babaye o lalaki, minyo o wala pa maminyo diin ang ma-hire magdawat kini og P18,784 nga sweldo matag buwan. /BDB (BANATNEWS)
- Latest
