CEBU, Philippines — Tinguha ni Konsehal Alvin Dizon sa Dakbayan sa Sugbo nga mahimoan og pagtuon ug masusi ang mental health sa mga tinun-an nga nipaubos sa distance learning.
Kini maoy hinungdan nga iyang giawhag ang Department of Education ug ang local school board nga mohimo sa maong pagtuon.
Nagkanayon si Konsehal Dizon nga ang pagbali sa naandan o tradisyonal nga matang sa pagtuon posibleng nakahatag og kalisdanan sa mga estudyante.
Nasayran kadaghanan sa mga tunghaan ang mipatuman sa online learning o ang paggamit sa internet ug aduna usay migamit ug mga learning materials sama sa modules.
Sumala pa ni Dizon, ang Department of Health, mipasidaan na sa daghang hagit sa pagbali gikan sa tradisyonal ngadto na sa online learning apil na ang pagka-sinati sa problema sa physical ug mental health.
Ang sintemiyento sa konsehal gidasonan usab sa mga sakop sa konseho aron awhagon ang LSB ug Dep-ed lakip ang CHED nga mohimo ug pagtuon aron makahimo sila ug rekomendasyon pagpalambo sa situation. /MEL (BANATNEWS)