CEBU, Philippines — Nikabat ngadto sa 60 ang bag-ong kaso sa COVID-19 sa Central Visayas base sa bulletin sa Department of Health (DOH)-7 niadtong Septiyember 22, 2020.
Sa maong bag-ong kaso, 12 niini sa Cebu City, usa sa Lapu-Lapu City, unom sa Mandaue City, walo sa Probinsiya sa Bohol ug 33 sa Cebu Province.
Ang Central Visayas aduna kini 1,616 ka active cases sa COVID-19.
Nikabat ngadto sa 17, 646 ang kinatibuk-an recoveries lakip na niini ang ulahi nga Samtang 41. Samtang ang namatay niabot na kini ngadto sa 1,247 lakip na niini ang ulahing sa nga nadugang.
Nikabat ngadto sa 20,509 ang total cumulative case sa COVID-19 sa Central Visayas.
Subay niini, ang Dakbayan sa Sugbo adunay kinatibuk-ang 9,920 ka kaso ug 380 na niini ang active cases, 8,873 ang recoveries lakip sa nadugang nga pito ug nagpabilin sa 667 ang gidaghanon sa namatay.
Ang Mandaue City adunay 2,406 ka kinatibuk-ang kaso diin 225 niini ang active cases, 2,044 ang recoveries lakip ang 10 nga ulahing natala ug nagpabilin sa 137 ang namatay.
Ang Dakbayan sa Lapu-Lapu adunay 2,323 nga kinatibuk-ang kaso diin 247 niini ang active cases lakip niini ang usa nga bag-ong natala ug nagpabilin sa 93 ang gidaghanon sa namatay.
Ang Dakbayan sa Lapu-Lapu adunay 1,983 ka kinatibuk-ang recoveries.
Samtang sa Dakbayan sa Talisay walay natala nga bag-ong kaso sa COVID-19 diin unom ang bag-ong recoveries.
Walo ka barangay sa siyudad ang wala nay natalang kaso sa COVID-19 lakip na ang Talisay City Jail.
Sa kinatibuk-an, nikabat ngadto sa 948 na ang kompirmadong nataptan sa COVID-19 sa siyudad diin 41 na lang ang active cases, 812 ang recoveries ug 95 nga namatay. Decemay P. Padilla ug Gabriel C. Bonjoc/BDB (BANATNEWS)