CEBU, Philippines — Ang Dakbayan sa Sugbo adunay 21 ka bag-ong kaso sa COVID-19 ug duha ang patay sa unang adlaw sa pagpaubos sa siyudad sa modified community quarantine kini base sa datos sa Department of Health (DOH)-7.
Base sa post sa official facebook page sa siyudad nikabat ngadto sa 9,653 ang kinatibuk-ang kaso ug 644 ka active case sa nilabayng Martes ug nikabat ngadto sa 651 ang kinatibuk-ang namatay.
Samtang ang kinatibuk-ang recoveries nikabat ngadto sa 8,358 lakip sa ulahing walo nga naka-recover.
Base usab sa datos sa DOH-7 ang Dakbayan sa Mandaue adunay 2,265 ka kinatibuk-ang kaso diin 364 niini ang aktibo lakip sa ulahing siyam ka kaso nga nadugang.
Ug nikabat ngadto sa 1,819 ang recoveries lakip na niini ang walo ka natala ug adunay 82 ka kinatibuk-ang namatay.
Ang Dakbayan sa Lapu-Lapu adunay 2,218 nga kinatibuk-ang kaso ug 279 ang aktibo lakip ang tulo ka bag-ong kaso.
Nikabat ngadto sa 1,850 ang naka-recover lakip na niini ang lima nga ulahing natala, nikabat ngadto sa 89 ang kinatibuk-ang namatay lakip na niini ang usa nga ulahing natala.
Ang Lalawigan sa Sugbo adunay 4,581 ka kinatibuk-ang kaso diin 861 niini ang aktibo lakip ang 31 nga bag-ong kaso ug nikabat ngadto sa 3,435,56 ang kinatibuk-ang naka-recover, 285 ang kinatibuk-ang namatay lakip na niini ang lima nga ulahing natala.
Niadtong Martes, ang kinatibuk-ang kaso sa COVID-19 sa Central Visayas nikabat ngadto sa 19,078 ug adunay 2,321 ka aktibo nga kaso lakip niini ang 64 ka bag-ong kaso, 15,642 ang kinatibuk-ang naka-recover ug 1,115 ang kinatibuk-ang namatay.
Walay natala nga bag-ong kaso sa Probinsiya sa Bohol, Negros Oriental ug Siquijor. Le Phyllis F. Antojado/BDB (BANATNEWS)