P92 milyones sigarilyo nasakmit

CEBU, Philippines — Mokabat P92 milyones nga gi-smuggle nga sigarilyo gikan sa China ang nasakmit sa Bureau of Customs-Cebu. Mao na kini ang ikaduhang operasyon sud ning semanaha nga niresulta na sa pagkasakmit sa kinatibuk-ang P150 milyones nga balor sa gipalusot unta nga sigarilyo.

Duha ka shipment ang nasakpan sa BOC-Cebu diin ang usa ka container van adunay sud nga 900 master cases nga “Jackpot” brand  ug ang laing container van dunay sud nga  939 master cases sa “Farstar” brand nga sigarilyo nga mokabat tanan og P92 milyones.

Matud ni BOC-Cebu district collector Charlito Mendoza ang kalamposan resulta sa higpit nilang pagbantay sa adwana. Ang consignee niini pasakaan og kaso.

Ang consignee nga GRR Trading mao ra sab ang consignee sa unang nasakmit nga sigarilyong “Astro” brand niadtong Agosto August 20, 2020 nga mokantidad sab og P54.6 milyones. Giingon nga ang gideklarar nga payong, bangko, lamesa, hunos, aparador ug kabinet ang ilang kargamento. The Freeman/IBM