3 mil nalang ang aktibong kaso
CEBU, Philippines — Anaa na lang sa 3, 007 ang aktibong kaso sa novel coronavirus disease sa Central Visayas bisan pa man nga nadugangan kini og 91 ka bag-ong kaso niadtong Agosto 20.
Sa datus sa Department of Health (DOH-7) anaa na sa 18, 145 ang cumulative case sa Covid-19 lukop rehiyon 7. Samtang 14, 073 ang total recoveries human nga 134 ang nadugang .
Sa mga bag-ong kaso, 27 ang sa Cebu City, lima sa Mandaue, 15 sa Lapu-Lapu, 34 sa Probinsya sa Sugbo, upat sa Talisay ug unom sa Negros Oriental.
Ang mga na-admit sa tambalanan nga active cases niubos ngadto sa 864 samtang 2, 143 ang anaa sa isolation centers, samtang 1, 055 ang namatay.
Sa Talisay City, 35 nalang ang aktibong kaso base sa talaan niadtong Agosto 19 ning tuiga.
Sa kinatibuk-an nakatala og 822 kaso ang Talisay apan 695 niini ang nakarekuber na samtang 83 ang namatay apan ang siyam niini susihon pa kung Covid-19 ba gyud ang gikamatyan.
Si Mayor Gerald Anthony “Samsam” Gullas Jr. miingon nga bisan nagkaubos ang kaso dili gihapon sila mokumpiyansa. Gabriel Bonjoc/IBM (BANATNEWS)
- Latest
