Mga drug dependent natapos na sa ilang rehab program

CEBU, Philippines — Hingpit nga natapos  sa 25  ka mga drug dependent ang ilang  rehabilitation program ubos sa kagamhanan sa Dakbayan sa Lapu-Lapu ug sa Agosto 31, 2020  gikatakda unta ang ilang graduation  apan gi-oktaba tungod  sa coronavirus disease  2019.

Si  Gary  Lao  nga maoy  pangulo  sa CLOSAP miingon nga ang ilang graduation  pagahimoon lamang pinaagi  sa online session sanglit   ang dakbayan  sa Lapu-Lapu  nagpabilin pa man gihapon sa general community  quarantine.

Si Lao  miingon nga  human  sa ilang graduation itugyan na sila ngadto sa tagsa-tagsa ka barangay officials alang sa unom ka buwan nga pagsuta kun hingpit na ba ang ilang kaayuhan.

 “Ang atong barangays naa man na sila’y anti-drug abuse councils,  we will leave it up to the BADAC kung unsa ilang monitoring while the CSWDO  has its own program usab kung asa sila mo-fit in,” dugang pa ni Lao. /MEL (BANATNEWS)