Cebu, Philippines — Mokabat ngadto sa 227 ka ang mga nadakapn sa Crisis Response Battalion (CRB) ug Cebu City Police Office (CCPO) sukad nga mibiya ang Special Action Force (SAF) niadtong Lunes.
Sila nangadakpan atol sa 24 oras foot patrolling sa nagkalain-laing dalan sa dakbayan.
Matud ni Police Regional Office (PRO7) Director Police Brigadier General Albert Ferro nga wala na kaayo dakong kausaban sa deployment sukad nga namalik ang SAF tungod atol sa ilang ipahigayon nga pagpatrolya kauban na daan sa SAF and CRB.
“It’s good kana atong mga taga CRB have been with us since March, they are well aware of these areas, 125 members in areas where the SAF have left behind they will be occupying in areas where SAF have been billeted, sama protocols and patrol still on duty,” matud pa ni Ferro.
Matud ni Ferro ang mga nadakpan nakalapas sa Executive Order ni Cebu City Mayor Edgardo Labella sama sa pagsul-ob og facemask, wa magdala og quarantine passes, social distancing ug uban pa.
Ang 150 niini dili mao ang adlaw nga gitugotan silang makagawas subay sa ilang Quarantine Passes, 39 ang nakalapas sa curfew ug 25 ang naglaag-laag lang.
Sumala pa ni Ferro ang uban niini makadaghan ng nadakpan. Apan nagtuo siyang mas daghan ang mituman ug makita kini sa pagkunhod na sa mga bag-ong nataptan sa COVID-19 ning nanglabay nga mga semana.(BANAT NEWS)