V-hire Terminal sa syudad mabuksan na og balik

CEBU, Philippines — Tinguha karon sa kagamhanan sa Dakbayan sa Sugbo ang pagbukas pagbalik sa Terminal sa V-hire diha sa Barangay Kamagayan.

Ang mayor sa Dakbayan Edgardo Labella, mohinay-hinay sa pag-abli sa terminal pinaagi sa pagpasulod ug dili mominos sa 20 ka V-hire sa unang mga hugna .

Makig-alayon pa hinoon si Labella sa Land Transportation Franchising and Regulatory Board LTFRB alang sa mga kinahanglanon aron sa pagbukas na pagbalik sa maong terminal.

Suma pa ni Mayor Labella nga sa pagbukas na unya sa terminal kinahanglan nga hugtan usab ang pagpatuman sa mga health protocols.

Ang terminal, kasamtangan gitak-opan human ang siyudad gipaubos sa enhanced community quarantine, modified enhanced community quarantine bisan hangtod karon nga ubos na sa general community quarantine ang dakbayan.

Sa maong plano sa siyudad, daghan usab sa mga driver sa V-hire ang mahinangpon ug malaumon nga makabalik na usab sila sa pagpamasahero ilabi na taod-taod na usab sila nawagtangan ug panginabuhian. —/MEL (BANAT NEWS)