Kanhi army reservist gisikop human nihimo og checkpoint

CEBU, Philippines — Gidakop sa kapolisan sa Borbon ang kanhi  reservist  sa Philippine Army (PA) dihang nagbinugtong sa pagpahigayon of checkpoint nga nag-uniporme nga nagtakin og armas diha sa dalan national  sa Barangay Clavera  Lungsod sa Borbon niadtong martes.

Ang mga molopyo nga daw  naalarma sa gihimo niini dali nga nagpahibalo ngadto sa mga barangay official  sa Barangay Logo  sa Dakbayan sa Bogo nga mao usab ang nagpahibalo  sa kapolisan sa Lungsod sa Borbon. Si Police Lieutenant Samuel Negro  hepe sa Borbon Police Station miingon nga ilang nailhan ang kanhi army reservist nga si  Ex-Master Sergeant Relito Cabillan Aliño, 50  anyos nga taga Lungsod sa San Remigio.

Gialigar  ni Aliño  nga iyang gitabangan ang goberno sa pagpasiugda niya og checkpoint sanglit  daghan  ang wala mosanong sa pagtuman sa health protocol sa paglikay  sa coronavirus disease.

Gipangsita ni Aliño  ang mga nagsakay  og motorsiklo nga wala mag-face mask ug wala usab magbutang og barrier sa ilang luyo bisan  kon may giangkas nga sakay niini.

Nakuha gikan kang Aliño  ang 9mm nga armas, usa  ka magazine sa armalite nga adunay duha  ka mga bala ug ingon ang motorsiklo nga giluwanan  sa  maong suspetsado. Si Police Staff Sergeant Jason Gulben sa  Borbon Police  Station miingon nga ang maong dinakpan  ilang pasakaan og kaso nga illegal  nga paghupot og armas ug usurpation of authority. /MEL (BANATNEWS)