CEBU, Philippines — Buksan pagbalik ang karsada sa Natalio Bacalso alang sa mga motorista sulod sa duha ka adlaw.
Si Mayor Gerald Anthony “Samsam” Gullas Jr. nagkanayon nga iyang nahibaw-an nga siradohan pag-usab ang viaduct sa South Road Properties (SRP) aron trabahoon ang taytayan. Ug gumikan niini posibleng makamugna kini og kahuot sa trapiko sama sa nahitabo sa niaging buwan tungod kay walay laing kaagian ang mga sakyanan. Si Gullas nitawag kini sa kadagkoan sa kapolisan lakip kang Gobernador Gwendolyn Garcia ug kang retired General Melquiades Feliciano, deputy chief implementor sa Inter-Agency Task Force on Emerging on Infectious Disease sa Cebu aron hangyuon nga ablihan lang ang karsada diha sa Barangay Bulacao sulod sa adlaw nga Sabado ug Domingo.
“Meaning if you are working in the areas where businesses are allowed to open or if you are an authorized person outside of residence (APOR), you may pass the Bulacao side for Saturday and Sunday while the viaduct sa Cebu gitrabaho”, matud ni Gullas. Sa adlaw nga Lunes mabalik usab nga one entrance ug one exit ang Talisay samtang ubos pa sa modified enhanced community quarantine (MECQ) ang Siyudad sa Sugbo. /BDB (BANATNEWS)