CEBU, Philippines — Kagamhanan sa Dakbayan sa Lapu-lapu motukod og extension sa outpatient department kon OPD sa Lapu-lapu City Hospital.
Kini aron dunay magamit alang sa mga non-covid patient diha sa maong tambalanan taliwa sa pagsaka sa kaso sa coronavirus disease.
Ang mayor sa Dakbayan , Junard “Ahong” Chan mitug-an nga ang Crisis Management Team sa siyudad mirekomendar nga dili itipon ang non-covid patient sa ospital aron malikayan ang Cross Infection kun pagtakod sa virus.
Samtang gipahibawo usab sa Mayor nga ang City Hospital dili na modawat ug Obstetrics Cases gawas lang niadtong mopaubos sa caesarian section procedure.
Ang O-B Cases ug Recovering C-S patients, gi refer na ngadto sa Opon Puereculture aron malikayan nga mataptan sa covid-19 ang inahan ug ang bag-ong natawo.
Si Mayor Chan, pabilin nga niawhag sa katawhan nga padayong magpuyo sa ilang panimay kung wala kini mahinungdanon nga pagabuhaton sa gawas aron malikay sa coronavirus disease. /MEL (BANATNEWS)