CEBU, Philippines — Magpabiling lockdown ang Mandaue City Fire Station human nga 13 sa 14 nila ka mga sakop ang nagpositibo sa novel coronavirus disease, ug usa sab ang nakalas.
Ang 13 ka mga bombero gipahimutang na sa isolation facility sa dakbayan ug padayon nga giatiman sa mga doktor ang ilang panglawas.
Si Fire Officer Oned Riel Denura, tigpamaba sa Mandaue City Fire Station mipasalig hinuon nga bisan paman niini, dili apektado sa ilang operasyon ang lockdown sa ilang buhatan diha sa Sitio Tribunal sa Barangay Centro.
Matud niya ang ubang fire sub-stations sa siyudad mahimo gihapong moresponde kun dunay alarma nga kinahanglang tubagon. /IBM (BANATNEWS)