CEBU, Philippines — Gimando sa hepe sa Police Regional Office (PRO) -7 sa Direktor sa Bohol Police Provincial Office (BPPO) nga bantayan ang tanan nga mga ilegal nga kalihukan sa sugal human ma post sa social media ang usa ka operasyon sa Peryahan ng Bayan taliwala sa pagsuspinde niini niadtong Pebrero niining tuig.
"I am directing the provincial director of Bohol to investigate such information and come up with the very drastic act on this illegal gambling facilitator or whoever they are,” matud ni Police Brigadier General Albert Ignatius Ferro.
Kini human ang mga video nga na-circulate sa social media nga adunay usa ka Peryahan ng Bayan nga naglihok sa lalawigan sa Bohol taliwala sa gipahibalo nga suspensyon. Kaniadtong Pebrero, ang Philippine Charity Sweepstakes Office (PCSO) nagpahibalo sa pagsuspinde sa Peryahan ng Bayan.
Giingon ni Ferro nga kini ang iyang istrikto nga direktiba sa tanan nga mga pangulo sa PNP sa Central Visayas nga idili ang bisan unsang matang sa ilegal nga sugal sukad siya milingkod isip Regional Director. Uban niini, gimandoan niya ang Direktor sa BPPO nga maghimo og pagsusi ug kadtong mapamatud-an nga naghatag og pagtugot sa kalihokan sa illegal gambling taliwala sa krisis sa pandemya ug sa pagsuspinde niini, kinahanglan relibohan sa ilang posisyon.
"Whoever is tolerating or not doing anything there in Bohol will be subjected to an investigation and proper relief if they are proven to be negligent to their job," dugang ni Ferro.
Matod ni Ferro, ang pagtugot sa bisan unsang matang sa ilegal nga sugal susama lang sa pagtugot sa pag-transmit sa Corona Virus Disease (COVID) -19 tungod kay mahimo kini nga maka-agni sa pagtapok sa mga tawo kun social gathering nga usa ka paglapas sa quarantine protocol. /MEL (BANATNEWS)