CEBU, Philippines — Giawhag sa Land Transportation Office 7 ang mga motorcycle riders sa paghuwat sa official guidelines gikan sa Department of Transportation sa dili pa mopasakay og backrider.
Matud ni LTO-7 Director Victor Caindec nga ang iyang opisina, magpaabot pa sa official instruction sa DOTr alang sa tukmang pagpatuman sa kondisyon sa pagtugot sa backriding.
Sumala pa ni Caindec nga ang ilang nabati pahibawo pa lang ug kung aduna na silay papel makita anha na sila mohatag og aksyon.
Kung mahinumduman si Department of Interior and Local Government (DILG) Secretary Eduardo Año nipahibawo nga mahimo na nga makaangkas sa motorsiklo ang asawa sa ilang bana basta mosunod sila sa protocols sama sa prototype sa motorsiklo nga giduso ni Bohol Gov. Arthur Yap. /GMR (BANATNEWS)