Kanhi konsehal Cuenco mohulip sa iyang amahan

CEBU, Philippines — Subling mobalik sa konseho sa Siyudad sa Sugbo si kanhi konsehal James Anthony Cuenco isip hulip sa nitaliwan niyang amahan nga si Konsehal Antonio Cuenco.

Lakip sa gipilian sa Barug-Partido Demokratiko Pilipino mao si Atty. Jocelyn Pesquera kinsa niagi sab pagka-konsehal sa siyudad.

Apan matud ni Pesquera nga mohatag siya og dalan ni James Cuenco aron maoy mohulip sa posisyon.

Matud ni Konsehal Raymond Alvin Garcia nga niagi gyud sila og proseso ug gikonsulta gyud nila ang ilang mga kauban diin duna sila’y short list hangtud nga duha nalang ang nahabilin nga mao sila si Pesquera ug James.

“From there it’s  also worthy to note that former Councilor Joy Pesquera give way to Councilor James Cuenco to replace the seat that has been vacated by Councilor Antonio Cuenco so I think it’s imperative and important that they also know we really went through a process, the consultative process,” matud ni Garcia.

Si James sa iyang bahin nagpasalamat sa kaubanan niini sa pagpili kaniya aron mopuli sa posisyon nga nabakante sa konseho ingon man ang pag-give way ni Pesquera.

Hinoon sumala pa ni James nga dili pa hingpit ang tanan sanglit ang Presidente man ang opisyal nga motudlo kaniya.

Si Pesquera nibutyag nga andam siya motrabaho uban ni Cuenco.

“Nakita nato ang naa gyuy continuity sa atoang trabaho sa city council with that I can help the city council still even not as a part of the city councilors, as one of the councilors I can help them on the improvement,” matud ni Pesquera.

Samtang si Mayor Edgardo Labella sa iyang bahin nihulagway nga daku gyud og tabang si Pesquera ilabi na sa financial ug budgetary matters sa konseho ug uban pa.

“Of course she can be a very effective liaison between financial concerns that would affect both the legislative and executive department because you know our system of governance is that these two components in the local government must exist together but of course always uphold the principles of check and balances,” sumala pa ni Labella. /GMR (BANATNEWS)