CEBU, Philippines — Si environment secretary ug kasamtangan nga overseer sa Covid-19 Task Force Roy Cimatu nihagit sa konseho sa Dakbayan sa Sugbo nga molambigit sa gubat batok sa covid-19.
Kini ang gibutyag ni Bise Mayor Michael Rama atol sa ilang tigom tali kang Cimatu ug sa mga konsehal sa siyudad.
Matud ni Rama nga atol sa ilang tigom ang mga konsehal gihatagan og higayon sa pagpalanog sa ilang mga concern.
Lakip na niini ang kabahin sa kulang og koordinasyon sa dakbayan ug barangay ug ang solusyon sa nagsugwak nga mga pasyente diha sa mga tambalanan.
Si Rama nagkanayon nga ang mga konsehal nga gikan sa Bando Osmeña Pundok Kauswagan (BOPK) ang nisugyot nga i-minimize ang barangay isolation ug ang Abellana National High School ang himuong isolation center sama sa Noah Complex diha sa SRP. Dugang ni Rama nga kontento siya sa tigom uban kang Cimatu diin ilang gipresentar ang “bottom to top approach” sa pagdala sa sitwasyon sa covid-19. /BDB (BANATNEWS)