CEBU, Philippines — Mokabat sa 16,000 ka barangay health workers sa Lalawigan sa Sugbo ang ipaubos sa training alang sa tinguha sa Kapitolyo sa tradisyonal ug alternatibo nga health care.
Si Gob. Gwendolyn Garcia gipaabot nga mo-institutionalize niini subay sa pagpatuman sa Republic Act 8423 o ang Traditional and Medicine Act. Ang training sa mga BHWs ubos sa direksyion sa Provincial Traditional Health Care System (PTHCS) nga gipaabot nga maumol base sa composition nga girekomendar sa Philippine Institute in Traditional and Alternative Health Care (PITAHC).
«Well, we do not live in an ideal world. Kay kun ideal pa ni naa unta tay level 1 hangtud level 3 doctors sa matag barangay. Maong himoon ta ni. Ang atong over 16,000 barangay health workers atong ipa-training on delivery of alternative healthcare,» matud ni Garcia.
Pinaagi niini ang mga residente sa mga lagyo nga lugar ug isla sa probinsiya maoy makabenepisyo gikan sa alternatibo ug tradisyonal nga paagi sa pagkaayo sa sakit sama sa tuob. /GMR (BANATNEWS)