Pagpatuman sa iatf guidelines sa dakbayan sa sugbo susihon

CEBU, Philippines — Susihon sa National Inter Agency Task Force (NITF) COVID Shield ang implementasyon sa IATF guidelines sa Dakbayan sa Sugbo.

Matud ni NITF Commander Police Lieutenant Major General Guillermo Eleazar nga lakip sa iyang susihon ang mga quarantine checkpoints ingon man ang gipatuman nga lagda sa paggamit sa Quarantine Passes .

Dugang pa ni Eleazar nga kinahanglan nga limitado lang gyud ang mga tawo nga tugtan nga makagawas ug ilang namatikdan base sa ilang paglibot  nga daghan ra kaayo ang mga tawo nga naa sa gawas.

“We all know that our first line of defense in the fight against COVID-19 is the containment of the movements of the people, kaya nga the country has been placed in a quarantine,”matud pa ni Eleazar.

Kagahapong adlawa nihimu og inspection si Eleazar uban si Police Regional Office 7 Director Police Brigadier General Albert Ferro sa mga Quarantine Checkpoints (QCP) ug sa mga barangay nga dunay taas nga kaso COVID-19.

Naghinaot si Eleazar nga mominusa na unya ang pagkatap sa coronavirus disease human sa ilang himoon nga paghigpit ubos sa iyang superbisyon dinhi sa dakbayan sa sugbo.

Gidugang ni Eleazar nga ang pagsabot sa publiko ug pagtuman sa mga health protocols mao ang gikinahanglan aron mominus ang pagkatap sa COVID-19 .

Karong adlawa sugdan na usab ang pag deploy sa 150 nga bag-ong nangabot nga sakop sa Special Action Force (SAF) ngadto sa sa nagkalain-laing dapit sa Dakbayan sa Sugbo. /MEL (BANATNEWS)