CEBU, Philippines — Gipatuman ang hugot nga pagbantay sa dapit nga gipuy-an sa 38-anyos nga babaye nga mabdos kinsa labing unang pasyente sa coronavirus disease (covid-19) sa Lungsod sa Liloan.
Ang Municipal Health Office ug Barangay Health Emergency Response Team nagpahigayon sa pg-disinfect sa Purok Proper 2 sa Barangay San Vicente sa maong lungsod.
Ang maong babaye gidala kini ngadto sa Vicente Sotto Memorial Medical Center sa Dakbayan sa Sugbo ug ang unom ka pamilya nga silingan niini ang gi-isolate kini.
Ang lokal nga kagamhaan sa lungsod mao karon ang nagtubag sa ilang mga panginahanglan tungod kay si Mayor Cristina Frasco ang higpit nga nagdili sa maong mga molupyo nga mogawas sa ilang panimalay. /BDB (BANATNEWS)