Talisay City Fire Station dunay bag-ong hepe
CEBU, Philippines — Bag-o na ang hepe sa kabomberohan sa Dakbayan sa Talisay human si Fire Senior Insp. Arra Alpajaro madestino na sa kaulohan.
Si Talisay City Mayor Gerald Anthony “Samsam” Gullas Jr. mapasalamaton sa serbisyo ni Alpajaro nga nakahatag og dungog sa siyudad gumikan sa pagkahimo nga “best fire station” sa rehiyonal ug nasyonal nga buhatan.
Si Alpajaro nakaserbisyo sa Dakbayan sa Talisay sulod sa duha ka tuig ug lima ka buwan.
Mapasalamaton sab si Alpajaro ngadto ni Gullas gumikan sa suporta nga gihatag niini ug sa tanang mga opisyal.
“But you were always destined for greater things. We will miss you here in the City of Talisay. Good luck sa NCR mam,” tipik sa post ni Gullas sa iyang account sa Facebook.
Ang mohulip ni Alpajaro mao si Fire Senior Insp. Arnel S. Abella.
Daku sab ang paglaum ni Gullas nga mopakita sa iyang labok si Abella nga maoy bag-ong hepe sa kabomberohan sa dakbayan. /GMR (BANATNEWS)
- Latest
